De beste wensen veur ’t ni-je jaor!

Beste luu,

’t  Waren veurig jaor de donkere dagen veur de Kerstmis. I’j wet ’t denk ik allemaol nog wel, ‘t was toen nat, boezewind en smerig waterkold. En a’t dan ’s aovends egaal vrogger duuster wördt, dan denk i’j wel ‘s bi’j ow eigen, waor mot ’t toch hen volgend jaor. ’t Is koffiedik kieken veur ons allemaol, i’j wet niet wat de tied ons zal brengen.

En now zit wi’j weer in de zelfde tied, waterkold, nat en völle water.

Maor wat he’w toch een mooi jaor achter de rugge as dansgroep. Prachtige optredens he’w ehad en niet te vergetten dat de Zwitsers in Zelhem op bezuuk bunt ewes, een prachtig weekend he’w daor met ehad. En dan de televisieopnames van Omroep Gelderland, “Van Gelders Grijs” dat in januari wördt  uut-ezonden, ’t is iets aparts dat Wi’j eren ’t Olde op de televisie kump. En dan as klap op de vuurpiele meldt ‘r zich nog een ni’j  danspaar an, wat wi’j nog mooier. Zo ku’j toch maor weer zien ’t is nog nooit zo duuster e’wes of ’t wördt altied toch weer licht.

Beste leden en volgers van Wi’j eren ’t Olde, en zeer zeker niet te vergetten de gastgezinnen die ons heb eholpen um veur de Zwitsers onderdak te kriegen, ik wens jullie namens de dansgroep allemaol hele fijne feestdagen en heel völle heil en zegen toe in ’t ni’je jaor.

En kiek uut met ’t bonksgrei.

Bennie Bannink (veurzitter)